Facebook -3Tips for professional facebook page الفيس بوك - 3 خطوات لصفحة فيس بوك احترافيه

Facebook -3Tips for professional facebook page الفيس بوك 

 3 خطوات لصفحة فيس بوك احترافيه

طبعا كلنا عارفين ان صفحة الفيس بوك من الادوات المهمه الموجوده بالفيس بوك لمساعدة اصحاب الاعمال والبراندات والمشاريع الصغيره علي التواجد اونلاين 
وعلي فكره صفحتك بالفيس بوك اذا عملتها صفحه إحترافيه هتكون صفحة بيزنس 
يعني FB Page = $$$$$.

وعشان كده هقولك علي اهم 3 خطوات مهمه لازم تعملهم اول حاجه وانت بتعمل صفحتك عشان مضيعش منك زوار وفانز لصفحتك :-

1- Clear cover photo

•   صوره بسيطه يكون افضل
• الصوره تكون ذات جوده عاليه مقاسها (851*315) بكسل او استخدم برامج تعديل الصور Editing photo في منها المجاني ومنها المدفوع زي البرامج ديه Canva,Timeline slicker pro,PicMonkey
• لو انت مثلا بتبيع معدات غطس متحطش صوره معدات مقاولات مثلا.

 2- Optimize your profile photo

 ضيف صوره واضحه بتتكلم عن البيزنس اوالبراند بتاعك عشان الفانز بتوعك لمن يزوروا الصفحه يعرفوا انت مين وبتعمل ايه ف خلال 3 ثوان.

ملحوظه ف العميق:- صورة بروفايل الصفحه حتما تكون مدوره ومش مستطيله عشان لو مستطيله هتظهر انها غير كامله .

3-  Complete "about" section
 الجزء ده مهم جداا لانك بتكتب فيه كل بيانات البيزنس بتاعك من :-

• اول نبذه عن البيزنس بتاعك---------- بتحط فيه رابط موقعك
• تاريخ انشاءها
• نبذه عن الشركه 
• عنوان البيزنس بتاعك 
• بيانات الإتصـــال  -------------------لازم بتحط رقم التليفون والايميل
• الموقع الالكتروني 

 ملحوظه بالعميق أهم 3 حاجات في ال About هم ( Location & Contact&Description)

اعمل شير لغيرك بقي عشان يستفيد زيك :)

واصل القراءة

Facebook TimeLine Tips----- - أســـــرارالفــــيس بوك تايـــم لايــــــــن

 Facebook TimeLine Tips أسرار الفيس بوك التايم لاين

التايم لاين ف الفيس بوك هو موجود بالبروفايل بتاعك /حسابك الشخصي يعني وده بتتحكم منه في علاقاتك اونلاين بكل الاصدقاء اللي عندك وفي حاجات كتييير التايم لاين بيساعدك فيها ممكن تكون عارفها ومش عارفها وممكن غيرك يكون مش عارفها تعالي نشوف. بص اول حاجه بتدخل بروفايلك وبتضغط Timeline setting زي الصوره كده.
هنعرف اهم التعديلات اللي ممكن نعملها وبنحتاجها كتيير وبتسأل كتيير عليها سواء من اصحاب عمل او يوذر.. فقلت اجمعهالكوا عشان تعرفوها :) 



1- الGeneral  ----وده فيه بياناتك كلها الايميل اللي مسجل بيه واليوذر نيم بتاعك وكل حاجه عنك وكماااااان ممكن تاخد copy من البيانات بتاعتك لأي ظرف من الظروف زي الصوره .

2- ال Privacy ---------الخصوصيه 
وبتحدد منها كل حاجه ل خصوصيتك : مين يقدر يبعتلك طلبات صداقه & مين يقدر يوصلك عن طريق الايميل او التليفون وطبعا ده هيريحك كتيير من الناس اللي ممكن تضايقك بالتاج اللي كل شويه ده وفي ناس اساسا مورهاش غير التاج 
طول ما هي قاعده ع الفيس تقريبا معندهمش حاجه يعملوها ومش عارفه بجد بيجيبوا وقت منين فانت بقي بتقعد تظبط كل التفاصيل ديه واحده واحده عشان محدش يضايقك 
واللي انت عايزه بالضبط اظبط بروفايلك عليه يا سيدي وما عاش اللي يزعلك بقي.

3- الNotification---------الأخبــــــــار
الفيس بوك هنا بييقولك كل الانشطه والتحديثات اللي علي الجروبات والصفحات اللي انت مشترك فيها بما فيهم صفحاتك وجروباتك أنت

4- الFollowers ---------المتابعين 

 بس خلاص كده شير وخلي غيرك يستفيد زيك 
لأي استفسارات بالتعليقات بقي :)

واصل القراءة

Slogan and Branding-Social Media Summit Day2015-Egypt

•   الحمله الإعلانيه للبراند والسلوجان 

Slogan & Branding

//////////////////////////////////

أنا رحت الSocial Media Day Summit-Egypt

وكنت اول مره اروح السنه ديه واللي شجعني ال speakers اللي هيكونوا موجودين والcase studie واكتر حاجه طبعا كناس شغاله ف السوشيال ميديا بنستفاد منها هي ورش العمل Workshops

Social Media Day Summit2015- Egypt

وبخصوص الايفنت بصفه عامه كويس بس كان فيه بعض الاخطاء اللي حاولوا المنظمين يتفادوها في اليوم التاني ديه البوستات اللي نزلتها بالإيفنت اليوم الأول واليوم التاني واهتمام المنظمين بالرد ومحاولة تفادي الاخطاء.

ده كان بعد حضور أول يوم

Social Media Day Summit2015- Egypt

 إستجابة محاولة تفادي الأخطاء

 بتعديل الجدول بعد الإعتذارات من السبيكرز

Social Media Day Summit2015- Egypt

 بعد تاني يوم الدنيا ظبطت شويتين

Social Media Day Summit2015- Egypt

انا بقي حضرت ورش عمل أمتعتني بصراحه وcase studies ضافتلي جديد 
منها:-

1. MBC
2. Social Media Strategy
3. To DO 
4. Youtube Playbook 
5. مهذبون 
6. إعلانجي 
7. Engagement Brand
8. Journalizm

واتعلمت منها حاجات كتييير زي مثلا لما اكون بعمل حمله إعلانيه لبراند معين جديد او قديم ........... بقعد مع العميل وبيكلمني شويه عن البراند بتاعه لحد ما القط كده السلوجان اللي هبني عليه حاجات كتير هبني الفكره بتاعتي اللي هيتأثر بيها الفيديو والبوستات ...

ف انا تابعت سريعا كده شوية صفحات لبراندات وجمعت منهم افكار لسلوجان بتاعتهم عشان ممكن نخرج منهم بحاجه جديده او تساعدنا في الinspiration  وممكن البوست ده يوصل لحد يكون بيفكر ف حاجه فيساعده واخد ثواب .

ممكن يكون السلوجان بتاعك تعمله هاشتاج كمان وتكتب الهاشتاج علي صورة البوست اللي هتنزله بالحمله الإعلانيه بتاعتك أو تكتبه علي الفيديو لو هتعمل فيديو بوست فتلاقي ان السلوجان ممكن يكون مثلا

• يخاطب إهتمام ال مستهلك بجوده المنتج ------- زي المراعي لما بتقولك 

"جوده تستحق الثقه لشخص واحد هو أنت " وعمل هاشتاج جودة المراعي.

• وزي ما في حمله تانيه بتركز علي صحة المستهلك وبتقوله

" المراعي صحه افضل"

• وحمله تالته مسابقة لحظات ....... هي ملهاش علاقه اوي بالبراند من قريب .. بس هي دخلت مع قناة ناشيونال جيوجرافي  كsponsor وهي استغلت حجم المشاهدين اللي ع القناه وانها متميزه بالمناظر الطبيعيه  اللي عارفينها كلنا وممكن تشوفوا من هنا تفاصيل الحمله و الفيديو

مسابقة لحظات ناشونال جيوغرافيك الفوتوغرافية من المراعي
شارك الآن في #مسابقة_لحظات لتربح رحلة سفاري مدفوعة التكاليف إلى تنزانيا عبر الرابط :http://moments.natgeotv.ae
Posted by ‎المراعي - Almarai‎ on Monday, April 6, 2015

• راني مثلا وحكاية كيس الجوافه فقالوا ف حملتهم
  "هننزل الشارع مع ا/..... نشوف حكاية كيس الجوافه" وهكذا ........
  
  
  يعني انت بتقعد تفكر وتفنن بقي تعمل ايه وإزاي وبس :) :)

• الخلاصه 

1. اتكلم مع عميلك شوفوا عايز إيه بالضبط .
2. حقق هدف عميلك بأسترتيجيتك أنت وخبرتك انت انت مش هو بلييييز لانك اللي هتلبس ف الآخر.
3. اتفرج علي Case studies و فيديوهات عشان يكون عندك افكار دايما متجدده وعندك إالهام طبعا مش إلهام شاهين :)      يعني بس لمن بتتفرج كتيير بتنور اامك حاجات اكتر .
4. أقرا أقرا أقرا كتيييير عن السوشيال ميديا والبراندج وتابع صفحاتهم وفيديوهاتهم هتتعلم كتيير.
5. متحددش لعميلك ارقام محدده وأمشي معاه خطوه بخظوه تقرير بتقرير يعين مثلا احنا بدانا ب زيرو لايك وصلنا كذا دلوقتي والتفاعل والreach وردود فعل الفانز وعدد مشاهدات اليوتيوب كذا .. وده هتعرفه من تحليلات كل سوشيال ميديا platforms.

ومتنساش تتابع http://www.socialbakers.com/blog/  تعرف تقارير السوشيال 

أتمني تكونوا استفادوا  يا رب ومتبقاش بخيل وشير لغيرك يستفيد :)

واصل القراءة